Олон улсын спортын хүүхдийн долоодугаар наадам энэ сарын 12-17-ны өдрүүдэд Улаанбаатар хотод зохиогдоно. Тус наадамд Монгол, ОХУ-ын Буриад, БНХАУ-ын ӨМӨЗО-ны нийт 1000 гаруй тамирчид спортын 11 төрлөөр өрсөлдөх юм.
Энэ удаагийн тэмцээний байт харвааны төрөл үндэсний сурын талбайд, боксын тэмцээн Хан-Уул дүүргийн спортын ордонд, волейболын төрөл МУИС-ийн спорт заал, жүдо бөхйн төрөл Сонгино хайрхан дүүргийн спорт цогцолбор, сагсан бөмбөгийн төрөл “Спортын төв ордон”, таеквондо төрөл “Аврагч спорт хороон”-ы заал , талбайн теннис “Бага тэнгэр цогцолбор”, футзалын тэмцээн “Футзалын ордон”-д, чөлөөт бөхийн тэмцээн Сонгинохайрхан дүүргийн спорт цогцолборт, хөнгөн атлетикийн тэмцээн “Төв цэнгэлдэх хүрээлэн”-д, ширээний теннисний тэмцээн Монголын үйлдвэрчний эвлэлийн спорт ордонд явагдах юм.
Энэ удаагийн тэмцээний ерөнхий ивээн тэтгэгчээр “Гранд Чайна Спорт” групп, “АПУ” компани ажиллаж байгаа бол мэдээллийн ивээн тэтгэгчээр “Монголын Үндэсний олон нийтийн телевиз”, “HTV”, “Sportlife.mn” Control.mn сайтууд ажиллана.
О.ДАШНЯМ
