Монголын морин спорт уяачдын холбоо үүсгэн байгуулагдсаны 22 жилийн ой, Дэлхийн дээд амжилт гиннест бүртгүүлсний дөрвөн жилийн ой, Монголын уяачдын баярт зориулсан хүчит бөхийн барилдаан Говьсүмбэр аймгийн Баянтал суманд боллоо. Баяр наадмын хүчит бөхийн барилдаанд Улсын аварга Ч.Санжаадамба, улсын гарди Б.Гончигдамба нараар ахлуусан 64 бөх зодоглосон юм.
Бөхийн барилдаанд Завхан аймгийн Их-Уул сумын харьяат улсын гарди Б.Гончигдамба түрүүлж, Архангай аймгийн Хашаат сумын харьяат улсын аварга Ч.Санжаадамба үзүүрлэсэн байна. Их шөвөгт Төв аймгийн Баяндэлгэр сумын харьяат улсын өсөх идэр начин Ч.Батчулуун, Дорнод аймгийн Дашбалбар сумын харьяат улсын начин Д.Анар нар шалгарсан юм.
О.ДАШНЯМ
