Чилийн Сантьяго хотод жүдо бөхийн өсвөр үеийн ДАШТ хоёрдох өдрөө үргэлжилж байна. Энэ өдөр эрэгтэйчүүдийн -60кг-д хүч үзсэн “Женко” клубийн тамирчин Баянмөнхийн Нармандах хүрэл медаль хүртлээ. Тэрбээр эхний тойрогт гоц мөргөж хоёрдугаар тойрогт Узбекстаны Зафарбек Урманалиевийг хоёр вазаригаар ялж улмаар Канадын Жесус Донтаег мөн вазаригаар ялсан.
Хэсгийн аваргын төлөөх барилдаанд Италийн Луигиг хоёр вазаригаар хожиж яваад барилдааны төгсгөлд цэвэр хожсон. Хагас хагас шигшээд Казахстаны Салимбайев Нурзатад цэвэр ялагдсан юм.
Хүрэл медалийн төлөө Украйны Черновыг вазари үнэлгээгээр ялж медалийн тавцанд зогссон юм.
Тэрбээр 2015 оны өсвөрийн ДАШТ-нд хүрэл медаль хүртэж, энэ жил Ази тивийн аваргаас алтан медаль зүүсэн юм. Өнөөдөр охидын 48 кг-д Баянхонгор аймаг, “Монголын жүдо академ”-ын тамирчин Эрдэнэдалайгийн Нүрзэдмаа, 52 кг-д Лхагвасүрэнгийн Сосорбарам татамид гарсан ч медаль хүртэж чадсангүй.
О.ДАШНЯМ