Монгол Улсад олимпийн таеквондогийн спорт сүүлийн жилүүдэд хурдацтай хөгжиж байгаа. Үндэсний шигшээ багийн гишүүн, “Алдар” спорт хорооны таеквондогийн тамирчин Моломын Түмэнбаяр Дэлхийн чансааны 58 кг-ийн жинд 1408 тамирчнаас 28 дугаарт эрэмбэлэгдлээ.
Ингэснээр шилдэг 32-т багтаж өндөр зэрэглэлийн Гранпри тэмцээнд оролцох эрхээ авсан анхны Монгол тамирчин болж байгаа юм. М.Түмэнбаяр насанд хүрэгчдийн энэ оны ДАШТ-ний тавдугаар байрт шалгарч, мөн БНСУ-д зохиогдсон “Korea Open” тэмцээнээс алтан медаль хүртэж тус тэмцээний шилдэг тамирчинаар шалгарсан юм. Тэрээр ирэх сарын 22-24-ий өдрүүдэд Морроко улсад зохион байгуулагдах “Рабат 2017 Гранпри” тэмцээнд оролцохоор бэлтгэлээ базааж байна.