Чөлөөт агент холбон тоглогч, NBA-ын хоёр удаагийн аварга Норрис Көүл Израйлын Маккаби Тел Авив багтай нэг жилийн гэрээг байгууллаа. Энэ жил 28 настай Норрис Көүл NBA-д нийтдээ 424 тоглолтонд оролцсон бөгөөд өнгөрсөн улиралд Хятадын лигийн Шандон Голден Старс багт тоглож улирлын дундуур Оклахома Сити Тандер багтай гэрээ байгуулж, 13 тоглолтонд оролцсон юм. Норрис Көүл тамирчны замналдаа долоон оноо, 2.7 дамжуулалт дунджилсан юм. Одоо түүний хувьд Евро лигт тоглосноор эргээд НБА-д тоглох магадлал багасч байгаа юм. Маккаби Тел Авив багийн хувьд өнгөрсөн улиралд NBA-д тоглож явсан Эндрью Гоуделок, Жо Александр нарын тоглогчдыг багтаа тоглуулж байсан бол энэ улиралд Норрис Көүл болон Пьерре Жексон нараар хүчээ зузаатгаад байна.