Бөхийн чөлөөт барилдааны насанд хүрэгчдийн дэлхийн аварга шалгаруулах тэмцээн энэ сарын 23-нд Парисд эхэлнэ. Энэ удаагийн ДАШТ-нд Монгол Улсын тамирчид эрэгтэй эмэгтэй бүтэн багаараа оролцохоор Парисыг зориод байна.
Тэмцээний эхний өдөр буюу наймдугаар сарын 23-нд эмэгтэйчүүдийн 55 кг-д Эрхэмбаярын Даваачимэг, 58 кг-д Алтанцэцэгийн Батцэцэг, 63 кг-д Пүрэвдоржийн Орхон, 75 кг-д Ган-Очирын Уртнасан нар барилдана.
Харин наймдугаар сарын 24-нд эмэгтэйчүүдийн 48 кг-д Эрдэнэсүхийн Нарангэрэл, 53 кг-д Даваасүхийн Отгонцэцэг, 60 кг-д Баатаржавын Шоовдор, 69 кг-д Очирбатын Насанбурмаа нар дэвжээнд гарна.
Наймдугаар сарын 25-нд эрэгтэйчүүдийн барилдаан эхлэх бөгөөд эхний өдөр 57 кг-д Эрдэнэбатын Бэхбаяр, 61 кг-д Түмэнбилэгийн Түвшинтулга ,86 кг-д Оргодолын Үйтүмэн,125 кг-д Нацагсүрэнгийн Золбоо, наймдугаар сарын 26-нд 65 кг-д Нармандахын Лхамгармаа, 70кг-д Ганзоригийн Мандахнаран ,74 кг-д Доржваанчигийн Гомбодорж,97 кг-д Өлзийсайханы Батзул барилдсанаар Монголчуудын барилдаан өндөрлөх юм.