Дэлхийн оюутны "Универсиад" наадмын жүдо бөхийн төрлийн тэмцээн гуравдах өдрөө үргэлжиллээ. Эрэгтэйчүүдийн -66кг-д Монгол улсаа төлөөлж зодоглосон олон улсын хэмжээний мастер Баттогтохын Эрхэмбаяр мөнгөн медаль хүртлээ.
Тэрээр эхний тойрогт Макао, хоёрдугаар тойрогт Хорватын бөхчүүдийг цэвэр хожоод хэсгийн аваргын төлөө Голландын ван Хартенг ваззари үнэлгээгээр хожсон. Хагас шигшээд Казахстаны Гумар Кыргызбаевыг ваззари үнэлгээгээр хожиж аваргын төлөө БНСУ-ын тамирчин Ан Баулд ваззари үнэлгээгээр ялагдсан.
Энэ жингийн аварга Ан Баул 2016 оны Риогийн олимпоос мөнгөн медаль хүртэж байсан юм.