Энэ өдөр эмэгтэйчүүдийн 55 кг-д зодоглосон ОУХМ Э.Даваачимэг эхний тойрогт Украйны бөхийг 7:6-аар ялж хоёрдугаар тойрогт Туркийн тамирчин 8:3-аар хожсон ч шилдэг дөрөвт үлдэхийн төлөөх барилдаанд Нигерийн Адекороеэд 8:4-өөр хожигдсон. Нигерийн бөх аваргын төлөө гарч ирсэн тул Э.Даваачимэг дагаж хүрэл медалийн төлөө барилдах боломж гарсан. Харамсалтай нь Францын бөхөд 4:0-ээр ялагдаж тэмцээнээ өндөрлүүлсэн.
Мөн 58 кг-д хүч үзсэн ОУХМ А.Батцэцэг эхний даваанд Казахстаны тамирчинг 9:2-оор илүүрхсэн ч удаах даваанд Нигерийн бөхөд 2:1-ээр хожигдсон юм.
Харин 75 кг-д барилдсан залуу мастер Г.Уртнасан Францын бөхийг 7:0-ээр хожиж тэмцээнийг амжилттай эхлүүлсэн ч Эстоны тамирчинд 4:2-оор хожигдож тэмцээнээ дуусгасан юм.