Баян-Өлгий аймаг дахь Цагдаагийн газрын Алтай сум дахь хэсгийн цагдаа, цагдаагийн ахлагч Э.Гантулга Урианхай сурын улсын аварга шалгаруулах тэмцээнд амжилттай оролцож спортын мастерын зэрэг хангалаа.
Мөн хэсгийн байцаагч, цагдаагийн ахлах дэслэгч Б.Үнэнзоригт, цагдаа зохицуулагч, цагдаагийн ахлах дэслэгч Б.Мэндбаяр, Сагсай сум дахь хэсгийн цагдаа, цагдаагийн дэд ахлагч Ц.Мөнхбаяр, цагдаа-жолооч, цагдаагийн дэд ахлагч С.Батбаяр нар спортын дэд мастер цолны болзол хангасан байна.
Урианхай сурын улсын аварга шалгаруулах тэмцээн Ховд аймгийн Мөнххайрхан суманд зохион байгуулагдаж, 200 гаруй харваач цэц мэргэнээ сорин өрсөлджээ.
Үндэсний спортын тэмцээнд амжилттай оролцсон нэг багийн алба хаагчдыг аймгийн цагдаагийн газрын удирдлагууд хүлээн авч уулзан хүндэтгэл үзүүлсэн байна. Түүнчлэн баг, тамирчдыг тэмцээнд оролцох боломж, нөхцөлөөр бүрэн хангаж өгчээ.
Эх сурвалж : ЦЕГ-ийн хэвлэл мэдээллийн төв
