Сонирхогчдын боксын насанд хүрэгчдийн дэлхийн аварга шалгаруулах тэмцээн Германы Хамбург хотноо эхэллээ.
Энэ удаагийн тэмцээнд тив бүрээс шигшигдсэн 280 ширэн бээлийтнүүд өрсөлдөж байгаа юм. Монгол Улсаас МУГТ Д.Отгондалай, ОУХМ Г.Ган-Эрдэнэ, Б.Чинзориг, Б.Түвшинбат нар ДАШТ-нд өрсөлдөж байгаа юм.
Манай тамирчдын салхийг ОУХМ Б.Түвшинбат амжилттай хагалж эхний тойрогтоо Польшийн боксчин Кивиор Дамиарыг техникийн илт давуугаар буюу 5:0-ээр яллаа.
Хоёрдугаар тойрогт Б.Түвшинбат Азербайжаны боксчин Багиров Парвизтай тулалдана.
О.ДАШНЯМ