Бөхийн жүдо барилдааны насанд хүрэгчдийн дэлхийн аварга шалгаруулах тэмцээн өнөөдөр Унгарын Будапешт хотод эхэллээ. Тэмцээний эхний өдөр эмэгтэйчүүдийн 48 эрэгтэйчүүдийн 60кг-ийн жингийн барилдаанууд явагдах юм.
Монголын тамирчдаас эрэгтэйчүүдийн 60 кг-д Дэлхийн аварга МУГТ Г.Болдбаатар, Дэлхийн аваргын мөнгөн медальт Д.Амартүвшин нар барилдах юм. МУГТ Г.Болдбаатар “А” хэсэгт багтсан бөгөөд эхний даваанд Туркийн бөх Озлу Бекиртэй барилдаж ялсан тохиолдолд Францын Валиде Хяртай барилдах магадлал өндөр байна.
Харин МУГТ Д.Амартүвшин “Д” хэсэгт орж эхний тойрогт Ардчилсан Солонгосын Пактай барилдахаар болжээ.
Эмэгтэйчүүдийн 48 кг-д Дэлхийн аварга МУГТ М.Уранцэцэг барилдана. Тэрээр “C” хэсгийг тэргүүлж эхний тойрогт гоц мөргөж, хоёрдугаар тойрогт Азербайжаны Э.Базаррагчаа, Румыний Поп Александр нарын ялсантай хүч үзнэ.
Энэ өдөр Монголын легионер тамирчдаас Г.Отгонцэцэг, Э.Базаррагчаа, П.Буянхишиг нар барилдах юм.