Европын хөлбөмбөгийн холбооноос өнгөрсөн улирлын шилдэг гоолуудыг шалгарууллаа. 2016/2017 оны улирлын хамгийн шилдэг гоолоор Аваргуудын лигийн шувтаргын тоглолтод Испанийн "Реал Мадрид"-ын хаалганд оруулсан “Ювентус” клубийн Хорват довтлогч Марио Манжукичийн гоол шалгарчээ. Тэрээр тоглолтын нэгдүгээр үеийн 27 дахь минутанд унаж татаж гоол оруулсан юм.
Шилдэг гоолын жагсаалтын хоёрдугаарт “Европа лиг”-ийн хэсгийн тоглолтын үеээр Английн "Манчестер Юнайтед"-ын хаалганд Туркийн "Фенербахче"-гийн довтлогч Мусса Соугийн оруулсан гоол бичигдсэн байна.
Харин гуравдугаарт өнгөрсөн улирлын аваргуудын лигийн аварга Испаний "Реал Мадрид"-ын Бразил хагас хамгаалагч Касемирогийн Италийн "Наполи"-гийн хаалганд 16-ын гаднаас цохиж оруулсан гоол оржээ. “Реал мадрид”, “Наполи” өнгөрсөн улиралд аваргуудын лигийн шигшээ 16 шатанд таарч тоглосон юм.
.JPG)
