“Мюнхен-1972” олимпийн наадмын аварга, ЗХУ-ын гавьяат дасгалжуулагч Якут ард түмний анхны олимпийн аварга Роман Дмитриев агсны хөшөөг түүний амьдралын хамгийн мартагдашгүй өдөр Якутын Комсомольскийн талбайд сүндэрлүүллээ. Роман Михайлович Дмитриев одоогоос 45 жилийн өмнө энэ өдөр Мюнхений олимпийн наадмын чөлөөт бөхийн 48 кг-ын жинд түрүүлж, хуучнаар ЗХУ-ын тамирчдаас хөнгөн жинд хамгийн анхны аварга болж байв. Түүний хувьд “Монреаль-1976” олимпын наадмаас мөнгө, ДАШТ-ээс нэг алт, хоёр мөнгө, нэг хүрэл медаль хүртэж, ЗХУ-ын аваргаар зургаан удаа тодорч байсан бөгөөд 2010 онд 60 насандаа таалал төгссөн юм.
ЭХ СУРВАЛЖ:МОНГОЛЫН ЧӨЛӨӨТ БӨХИЙН ХОЛБОО
