Өнгөрсөн долоо хоногт Францын нийслэл Парист болсон ДАШТ-ий 61 кг-ын жинд аваргалсан Азербайжаны Гажи Алиев ирэх жилээс 65 кг-ын жинд барилдах бодолтой байгаа гэнэ. ДАШТ-д гурван удаа түрүүлээд буй түүний хувьд “Токио-2020” олимпийн наадамд 65 кг-д зодоглох хүсэлтэй байгаа бөгөөд жин өгсөхөөр шийджээ. Тэрбээр Парист Риогийн олимпийн наадмын хагас шигшээд ялагдсан олимп, ДАШТ-ий алт, мөнгөн медальт Владимир Хинчегашвилитэй даагаа нэхэхийг хүссэн ч гүрж эр ОХУ-ын Гажимурад Рашидовт дийлдснээр түүний хүсэл талаар болсон юм.
ЭХ СУРВАЛЖ:МОНГОЛЫН ЧӨЛӨӨТ БӨХИЙН ХОЛБОО