Гүржийн Тбилис хотод эрэгтэй шатарчдын Дэлхийн цомын тэмцээний нэгдүгээр шатны тоглолтууд үргэлжилж байна.
Тэмцээнд Дэлхийн аварга Магнус Карлсен (2822), Сергей Карякин (2773), Эниш Гири(2772) нараар ахлуулсан чансаа өндөр 128 шатарч өрсөлдөж байгаа юм.
Монгол Улсаас оролцож буй их мастер Ц.Батчулуун (2555) эхний тоглолтоо Английн их мастер Майкл Адамстай (2738) хараар тоглож тэнцсэн байна. Тамирчдын хоёр дахь өргийн тоглолт өчигдөр болж манай их мастер Ц.Батчулуун цагаанаар тоглосон ч тэнцсэн юм. Одоо тамирчид блиц буюу түргэн тоглолтоор өрсөлдөж ялагчаа тодруулна. Хэрэв Ц.Батчулуун хожсон тохиолдолд Армен болон Израйлын тамирчдын хожсонтой тоглох юм.
.JPG)
