Европын хөлбөмбөгийн холбооны хамгийн нэр хүндтэй тэмцээн аваргуудын лигийн шинэ улирал өнгөрсөн шөнө эхэллээ. Тэмцээний “D” хэсэгт багтсан Испаний Барселона Италийн Ювентусыг “Камп Ноу” цэнгэлдэхдээ хүлээж авч 3:0-ээр бут ниргэж өнгөрсөн жил хожигдсон “даагаа нэхлээ”.
Тоглолтын нэгдүгээр үеийн төгсгөлд Дэлхийн шилдэг хослол Лионел Месси, Лиус Суарез нарын довтолгоо амжилттай болж Аргетинтин залуу Буффоны хаалганд анх удаагаа гоолдсон байна.
Шийдвэрлэх хоёрдугаар үеийн 69 дэх минутанд Ювентусын хамгаалагчдын дутуу цэвэрлэсэн бөмбөгийг Хорват хагас хамгаалагч Иван Ракитич чулуу болгож багийнхаа тэргүүллийг баталгаажуулсан юм. Улмаар 69 дэх минутанд Месси энэ тоглолтын хоёр дахь гоолоо оруулж тоглолтын эцсийн цэгийг тавьсан. Энэ тоглолтод Ювентусээс Марио Манзукич, Сами Хедериа нар бэртлийн улмаас оролцоогүй. “D” хэсгийн нөгөө тоглолтод манай хойд хөршийн ЦСКА Португалын Бенфикаг 2:1-ээр буулгаж авсан байна.
.JPG)
