Сагсан бөмбөгийн Европийн аварга шалгаруулах тэмцээний шөвгийн наймын эхний тоглолтууд өнгөрсөн шөнө явагдлаа. Энэ өдөр Испаний болон Германий багуудын тоглолт Туркийн Истанбул хотноо болж 84:72-оор Испани ялж хагас шигшээд шалгарсан байна.
Тоглолтод Марк Газол 28 оноо, 11 удаа самбараас бөмбөг авч багаа хожилд хүргэхэд гол нөлөө үзүүлжээ. Түүнд ах Пау Газол нь 19 оноогоор тусласан юм. Германаас Деннис Шрөдер 27 оноо авч сайн тоглолт үзүүлсэн ч багийн бусад гишүүд хангалттай байсангүй.
Тоглолтын турш Испаний баг холын зайнаас 40 хувийн оновчтой довтолсон бол Герман 27,3 хувьтай довтолжээ. Шөвгийн наймын нөгөө тоглолт Горан Драгич ахлуулсан Словани, NBA-ийн залуу од Кристапс Порзингисоор хүчээ зузаатгасан Латвийн багуудын хооронд явагдаж Словани 103:97-оор хожиж хагас шигшээд шалгарсан байна.
Слованаас өнөө жил хорин настай залуу тамирчин Лука Донцис шилдэг тоглолт үзүүлж 18 оноо авсан бол багийн ахлагч Горан Драгич 28 оноо 8 оновчтой дамжуулат бүртгүүлсэн байна. Харин Латвиас Порзингис 34 оноо авсан ч баг нь ялагдаж тэмцээнийг орхисон юм.
О.ДАШНЯМ
