Монголын Хөлбөмбөгийн Холбоо, “Арвайн үндэс” ХХК-тай хамтран гурав дахь жилдээ зохион байгуулж буй “Хүрхрээ үндэсний лиг”-ийн 16-р тойргийн тоглолтууд явагдлаа.
“Хүрхрээ үндэсний лиг”-ийн доош унахгүйн төлөө хариуцлагатай тоглолтуудыг хийж буй “Хоромхон” энэ удаа “Дэрэн”-ийн залуустай таарсан юм. Сүүлийн гурван тойрогт хожил авсан “Дэрэн”-ийн залуу тоглогч Т.Хаш-Эрдэнэ 20 дахь минутад гоол оруулж тооны харьцааг нээсэн. Нэгдүгээр үе энэ үр дүнгээр өндөрлөж шийдвэрлэх хоёрдугаар үетэй золгосон. Хоёрдугаар үеийн 78 дахь минутад “Дэрэн”-ийн Армен довтлогч Давит Гандилиан багийнхаа тэргүүллийг баталгаажуулсан. Гэсэн ч Хоромхон амар бууж өгөхийг хүссэнгүй. Тоглолтын төгсгөлд тооны харьцааг 1:2 болгон ойртуулсан. Харамсалтай нь тэдэнд тоог тэнцүүлэх хугацаа үлдсэнгүй 1:2-оор өндөрлөж “Дэрэн” энэ улиралд “Хоромхон”-ыг хоёр удаа буулган авав.
Лигийг 16 тойргийн дараах байдлаар Эрчим 36 оноотой, Улаанбаатар сити 32 оноотой Атлетик 220 28 оноотой тэргүүлж байна.
О.ДАШНЯМ