Увс аймгийн Биеийн тамир, спортын газрын 70 жилийн ой энэ өдрүүдэд болж байна. Ойн баярт зориулсан тус аймгаас төрөн гарсан Монгол Улсын аваргуудын нэрэмжит 'Увс нуур цом”-ын барилдаан гурван өдрийн турш тус аймгийн Биеийн тамир спортын газрын зааланд болж өндөрлөлөө.
Барилдаанд Тува, Швейцар зэрэг орнуудаас бөхчүүд ирж зодоглосон юм. Хүчит бөхийн барилдаанд 128 бөх зодоглож хоёр давсан шилдэг 32 бөхийг тойргоор барилдуулжээ. Тус барилдаанд Увс аймгийн Улаангом сумын харьяат улсын гарди Ө.Бат-Орших 30 даваа нэг унаатайгаар түрүүлсэн бол улсын арслан Н.Батсуурь 29 даваа, улсын аварга С.Мөнхбат 29 даваатайгаар удаалсан байна.
Мөн дөрөвдүгээр байранд аймгийн хурц арслан Н.Золбоо, тавдугаар байранд улсын заан Б.Соронзонболд, зургадугаар байранд Аймгийн арслан Ц.Мөнхбаяр нар шалгарчээ. Түрүү бөхийг шилжин явах цом, 5000 доллараар байлсан юм.
О.ДАШНЯМ