Малайз улсад зохиогдох 16 хүртэлх насны 2018 оны Азийн аварга шалгаруулах тэмцээний урьдчилсан шатны тоглолтууд энэ сарын 20-24-ий өдрүүдэд Улаанбаатарт болно.
Монголын шигшээ баг “I” хэсэгт Австрали, Вьетнам, Камбожийн багуудтай ороод байгаа юм. Эхний тоглолт энэ сарын 20-нд 12:00 цагаас Вьетнам Комбожын багуудын хооронд болох бол 16:00 цагаас Монгол Австралийн багтай тулна. Тоглолтууд Монголын хөлбөмбөгийн холбооны цэнгэлдэх хүрээлэнд явагдана. Өмнө нь Монголын шигшээ баг тус тэмцээнд оролцож Япон, Хонконгийн багуудтай нэг хэсэгт өрсөлдөж Японд 17:0, Хонконгод 2:5-аар ялагдаж байсан юм.
О.ДАШНЯМ
