Баянгол дүүргийн Эрүүл мэндийн төвийн бүтэц үйл ажиллагааны чиглэлд шинээр “Гэмтэл, мэс заслын тасаг”-ийг 18 эмч, мэргэжилтэнтэй, хагалгааны 2 өрөө бүхий 25 ортой мэс заслын тасгийг нээж байгаа юм. Энэхүү үйл ажиллагааг эхлүүлэх, мэргэжил арга зүйн зөвлөгөө өгөх, хүний нөөцийг чадавхижуулах, тусламж үйлчилгээг түргэн шуурхай чирэгдэлгүй, хүртээмжтэй үзүүлэх зорилгоор Улсын Гуравдугаар Төв Эмнэлэг хамтран ажиллах уулзалт, хэлэлцүүлгийг 2017 оны 9 дүгээр сарын 15-ны өдөр зохион байгууллаа.
.JPG)
Энэхүү уулзалт, хэлэлцүүлэгт УГТЭ-ийн Удирдлагууд, холбогдох эмч, мэргэжилтнүүд болон Ерөнхий мэс засал, Мэдээгүйжүүлэг эрчимт эмчилгээний тасгийн төлөөллүүд БГД-ийн Эрүүл мэндийн төвийн төлөөллүүдтэй оролцож цаашид Баянгол дүүргийн эрүүл мэндийн төвийн шинээр байгуулагдсан “Гэмтэл, мэс заслын тасаг”-ийн эмч, мэргэжилтнүүдийг чадавхижуулах, туршлага солилцох, мэргэжил арга зүйгээр ханган ажиллах чиглэлээр санал солилцон хэлэлцэв.
Цаашид УГТЭ-ийн зүгээс БГД-ийн ЭМТөвийн мэс заслын тусламж үйлчилгээг эхлүүлэх, тогтвортой үйл ажиллагаагаа явуулахад нь лавлагаа шатлалын үүргийн хүрээнд мэргэжил арга зүйн бүхий л дэмжлэг үзүүлэн ажиллахаар тохиролцов
ЭХ СУРВАЛЖ:ЭМЯ
