Чөлөөт бөхийн “Уурхайчдын цом” олон улсын “А” зэрэглэлийн тэмцээн есдүгээр сарын 21-23-ны өдрүүдэд ОХУ-ын Кемеровод болно.
2013 оноос хойш зохион байгуулагдаж эхэлсэн тус тэмцээнд манай улсаас 61 кг-д Түмэнбилэгийн Түвшинтулга, 65 кг-д Чойдогжамцын Жамсранжав , 70 кг-д Цэрмаагийн Чингэс, 86 кг-д ОУХМ Оргодолын Үйтүмэн, 125 кг-д Оюунбаатарын Мөнх-Эрдэнэ гэсэн таван тамирчин оролцохоор эх орноосоо мордов.
Эднээс Т.Түвшинтулга, Ц.Чингэс, О.Үйтүмэн нар Якутад болох Дмитрий Коркиний нэрэмжит тэмцээнд зодоглохоор цааш явах юм. “Уурхайчдын цом” тэмцээнд түрүүлсэн гадаадын шилдэг бөхийг 100 грамм алтаар шагнах бол дотоодын шилдэг бөхийг уламжлал ёсоор “Тоёота” маркийн автомашинаар байлдаг.