Сонирхогчдын боксын 2012 оны олимпийн мөнгөн медальт, 2009 оны Миланы ДАШТ-ний мөнгөн медальт МУГТ Н.Төгсцогтын мэргэжлийн боксын рингэн дэх ээлжит тулаанаа хийхээр төлөвлөж байсан ч хойшилжээ. Бэлтгэлийн үеэр манай тамирчны гарын булчин сунасан байна. Тэрээр мэргэжлийн боксын рингэнд найман тулаан хийж найман удаа хүнд цохилтоор өрсөлдөгчөө ялаад байгаа юм.
Н.Төгсцогт мэргэжлийн боксын 1499 боксчноос 26-д эрэмбэлэгдэж байна. Манай тамирчин ес дэх тулаандаа ялсан тохиолдолд чансааны эхний 20-д багтаж улмаар Дэлхийн аваргын бүсний төлөө тулалдах эрхтэй болно. Түүнийг AIBA-аас хамгийн ирээдүйтэй арван тамирчины нэгээр тодруулсан байна.
О.ДАШНЯМ