Английн хөлбөмбөгийн холбооны цомын тэмцээний гуравдугаар шатны тоглолтууд боллоо. Энэ шатанд Лестер сити “Кинг Повер” цэнгэлдэхдээ Ливерпүүлийг хүлээн авч 2:0-ээр ялж дараагийн шатанд шалгарсан байна. Тоглолтын эхний үед Улаанууд давуу тоглолт үзүүлж Коутино, Чемберлейн нар хамгаалалтыг сандаргаж байсан ч гоол оруулж чадаагүй.
Харин хоёрдугаар үед сэлгээгээр талбайд гарсан Шинжи Оказаки 65 дахь минутанд гоолдож багтаа тэргүүлэл авчирсан бол үүний дараа 78 дахь минутан Слимани улирлын гурав дахь гоолоо Ливерпүүлийн хаалганд зоож багийнхаа тэргүүллийг баталгаажуулсан. Энэ нь тоглолтын эцсийг гоол байсан юм. Энэ хоёр баг Бямба гарагт Премьер лигийн тавдугаар тойрогт дахин тулах хуваарьтай байна.