Туркменстаны Ашбагат хотод танхимын болон тулааны спортын их наадам энэ өдрүүдэд үргэлжилж байна. Нийт 28 орны тамирчид өрсөлдөж буй тус тэмцээнээс Монголын тамирчид гурван алт, таван мөнгө, долоон хүрэл медаль хүртсэн амжилтаар 10 дугаарт жагсаж байна.
Бүстэй барилдааны эмэгтэйчүүдийн +70 кг-ын жинд Монголын тамирчин Отгоны Мөнхцэцэг, Жижицүгийн нээлттэй ангилалд Цог-Очирын Батцэцэг нар алтан медаль, -62кг-д Батцогтын Буяндэлгэр, -70 кг-д Цог-Очирын Батцэцэг, Мягмарын Сугар нар мөнгөн медаль хүртээд байгаа юм.
Мөн гурвын эсрэг гурвын гурвын төрөлд Э.Дөлгөөн, Д.Дэлгэрням, Г.Цэнгүүнбаяр, А.Гансүх нар оролцож байна.
Манай баг Киргизстаныг 22:12, Узбекистаныг 17:16-аар хожиж хэсгээс гарах болзлоо хангаад байгаа юм.
Харин эмэгтэй багийн хувьд Сирийн багт 13:8, Туркменстанд 19:17-оор ялагдаж тэмцээнээ өндөрлүүлсэн байна.