“Хөгжлийн бэрхшээлтэй иргэдийн Ази тивийн аварга шалгаруулах” шатрын анхдугаар тэмцээн Киргизийн Бишкек хотноо болж өндөрлөжээ. Тус тэмцээнд 13 орны, 110 шатарчин сонсгол, хараа, тулгуур эрхтний бэрхшээлтэй гэсэн гурван төрөлд өрсөлдсөн байна.
Монголын тамирчин Спортын мастер Ц.Түмэнбаяр “Сонсголын бэрхшээлтэй” гэсэн төрөлд Азийн аварга болж алтан медалийн эзэн боллоо. Мөн “Тулгуур эрхтний бэрхшээлтэй” эмэгтэй төрлөөс М.Хишигбаяр хүрэл медаль хүртсэн байна. Тус тэмцээнд манай улсаас нийт таван шатарчин оролцсон байна.
П.ДОСМАА
