Аваргуудын лигийн хэсгийн шатны хоёрдугаар тойргийн эхний тоглолтууд өнгөрсөн шөнө явагдлаа. Английн “Ливерпүүл”, “Спартак Москва”-ийн талбайд зочилж 1:1-ээр тэнцсэн байна. Тоглолтын эхнээс Английн баг давуу тоглож байсан ч талбайн эзэд тооны харьцааг нээсэн. 23 дахь минутанд Фернандо чөлөөт цохилтыг гайхалтай гүйцэтгэж фанатуудынхаа цөсийг хөөргөсөн. Гэвч тэдний баяр удаан үргэлжилсэнгүй. 31 дэх минутанд Ливерпүүлийн хагас хамгаалагч Флиппе Коутино гоол оруулсан юм. Улмаар Спартак хамгаалсан тоглолт үзүүлж хэсгийн тэргүүн багаас тэнцээ авч чадсан. Тоглолтын турш Ливерпүүл хаалга руу 16 удаа цохилт гүйцэтгэсэн бол Спартак дөрвөн удаа л боломж үүсгэж нэгийг нь гоол болгосон байна.
Энэ хэсгийн нөгөө тоглолтод Севияа Мариборыг 3:0-ээр буулгаж авснаар дөрвөн оноотой болж хэсгийг тэргүүлж эхэлсэн юм.
Өнгөрсөн шөнө явагдсан бусад тоглолтуудын үр дүн :
Манчестер сити 2:0 Шахтер
Тоттенхем 3:0 АПОЕЛ
Реалмадрид 3:1 Бориусса Дортмунд
Наполи 3:1 Фейноорд
Бешикташ 2:0 РБ Лейпциг
Монако 0:3 Порто