Аваргуудын лигийн хэсгийн шатны хоёрдугаар тойргийн сүүлийн тоглолтууд өнгөрсөн шөнө явагдлаа. “С” хэсэгт орсон “Челси” Испаний Атлетико Мадридын талбайд зочилж сүүлийн мөчид 2:1-ээр хожлоо. Тоглолтын эхний үеийн 40 дэх минутанд Давид Луйз Лукасасаас торгуулийн талбайд зуурсныг шүүгч гярхай харж пеналт заасныг Антаун Грезман гоол болгосон. Шийдвэрлэх хоёрдугаар үед зочид илүү тоглож баруун жигүүрээс Азарын өгсөн дамжуулалтыг Алваро Моратто мөргөж тоглолтын тооны харьцааг тэнцүүлсэн юм.
Тоглолтын үндсэн цаг тэнцээгээр өндөрлөж нэмэлт цагийн 94 дэх минутанд сэлгээгээр гарч ирсэн довтлогч Батшуа гоолдож багтаа гурван оноо авчирсан байна. Энэ хэсгийн нөгөө тоглолтод Италийн Рома аваргуудын лигид анхны улиралдаа тоглож буй Азербайжаны Карабаг 2:1-ээр хожсон байна. “С” хэсгийг Челси зургаан оноотой тэргүүлж байгаа бол Рома дөрвөн оноотой удаалж байна.