Германы “Байерн Мюнхен” 58 настай Итали дасалжуулагч Карло Анчелоттиг ахлах дасгалжуулагчийн албанаас халснаа албан ёсоор зарлалаа.
Өнгөрсөн Лхагва гарагт аваргуудын лигийн хэсгийн тоглолтод Францын ПСЖ-д 3:0-ээр хожигдсон явдал нь Мюнхений клубийн удирдлагуудыг ийм шийдвэр гаргахад хүргэсэн байна. Үүнээс гадна Карло Анчелоттиг туслахуудынх нь ч хамт ажлаас нь чөлөөлсөн байна.
Одоо Байерныг цагтаа Францын шигшээгийн жигүүрийн хамгаалагчаар тоглож байсан Вилли Саньоль түр хугацаанд удирдах юм. Карло Анчелотти 2016 оны зунаас хойш “Байерн Мюнхен”-ийг удирдаж, өнгөрсөн улиралд Германы аваргын алдарт хүргэж, Германы супер цомыг хүртээд байсан юм.