Туркменистан улсын нийслэл Ашгабат хотноо Азийн танхимын болон тулааны спортын наадам энэ сарын 17-27-ны хооронд тав дахь удаагаа болж өндөрлөлөө.
Тус тэмцээнд цахим спортын төрөлд Монгол Улсыг төлөөлөн хоёр тамирчин эрх авч оролцсон байна. “Hearthstone” тоглоомын төрөлд Т.Намбаржин, “Starcraft 2” төрөлд Б.Ононбат нар өрсөлдсөн байна. Манай тамирчид эхний болон хэсгийн тоглолтууддаа амжилт гаргаж, Б.Ононбат өөрийн орсон төрөлд хэсгээ тэргүүлсэн бол Т.Намбаржин хэсэгтээ нэгдүгээр байрт шалгарчээ.
Тус наадмын сүүлийн өдөр Б.Ононбат хүрэл медалийн төлөө Тайваний тамирчинтай тоглож ялалт байгууллаа. Харин Т.Намбаржин Хятадын тамирчинтай “Hearthstone” тоглоомын төрөлд аваргын төлөө тоглосон ч хараахан ялалт байгуулж чадсангүй дэд аварга болж мөнгөн медалийн болзол хангалаа.
П.ДОСМАА
