Монгол Улсын хөлбөмбөгийн насанд хүрэгчдийн шигшээ баг аравдугаар сарын 5-нд Тайванийн шигшээтэй нөхөрсөг тоглолт хийхээр эх орноосоо мордлоо.
Герман дасгалжуулагч Майкл Вайссаар удирдуулсан насанд хүрэгчдийн шигшээ баг ахлах дасгалжуулагчийнхаа хамтаар албан ёсны анхны тоглолтондоо оролцож буй нь энэ юм. Манай багийн өрсөлдөгч Тайванийн багийн хувьд Дэлхийн чансаанд 151-д эрэмбэлэгддэг бөгөөд хамгийн сүүлд өнгөрсөн сарын 5-нд Бахрайны багт 5:0-ээр ялагдсан юм. Багийн ахлах дасгалжуулач Майкл Вайс Тайваны баг манайхаас чансаа илүү ч бид хожно гэсэн зорилготой талбайд гарч байж өөрсдөдөө итгэх юм бол ялалт биднийх байх болно гэдгийг онцолсон.
Монголын шигшээ Тайванийн багтай нөхөрсөг тоглолт хийхээс гадна аравдугаар сарын 15-23-ны хооронд хамтарсан бэлтгэл хийх юм.