Мэргэжлийн талбайн теннисний “China open 2017” тэмцээнд энэ өдрүүдэд Бээжин хотод үргэлжилж байна. Өчигдөр эмэгтэйчүүдийн ганцаарчилсан төрлийн шөвгийн 16-ийн тоглолтууд явагдсан юм. Дэлхийн чансааны номер хоёр Румыний тамирчин Халеп Оросын Марияа Шараповатай өрсөлдөж хоёр сетийн тоглолтод 6:2, 6:2-оор буулгаж авчээ.
Тэрээр дараагийн шатанд Оросын өөр нэг тамирчин Касаткинатай тоглох юм. Энэ өдөр чансааны 11 Польшийн Радванска Касаткинад 6:4, 7:6, 6:2-оор ялагдаж тэмцээнийг өндөрлүүлсэн бол чансааны номер 3 Украйны Свитолина Австралийн Бартиг хоёр сетийн тоглолтод 6:4, 6:2-оор ялж тэмцээний шилдэг наймд шалгарсан байна.