Амстердам хотод болсон Колумбын дуучны концертийг үзэх гэж яваад автын осолд орсон Манчестер Сити багийн гол довтлогч Агуэро эмчилгээндээ оржээ. Сууж явсан такси нь буруу эргэж, шон мөргөснөөс түүний хавирга хугарсан байна. Бүсээ бүсэлсэн явсан нь түүний гэмтэл хөнгөн өнгөрөхөд нөлөөлсөн тухай шинжээчид дүгнэлтэндээ бичжээ.
Санасныг бодоход, түгшиж байсан шиг хүнд гэмтэл аваагүй аж. Хавирга нь 3-4 долоо хоногийн дотор бүрэн эдгэрнэ гэж эмч нар хэлж байна. Гэмтэл авсан учир Челситэй хийсэн тоглолтыг өнжсөн. Мөн дэлхийн аваргад шалгарах хэсгийн тоглолтонд Аргентиний шигшээ багт тоглохоо ч өнжихээс өөр аргагүй болсон байна. Гэхдээ 21 хоногийн дараа Премьер Лигийн тоглолтондоо эргэн орно гэж эмч нар нь мэдээллээ. Манчестер Ситигийн довтолгоон дахин хүчирхэгжих нь.
.JPG)
