2018 оны хөлбөмбөгийн Дэлхийн аварга шалгаруулах тэмцээний урьдчилсан шатны хэсгийн тоглолтууд өнгөрсөн шөнө явагдлаа. Тэмцээний “F” хэсэгт багтсан “Гурван арслан”-ууд “Уэмбли” цэнгэлдэхдээ Слованийг хүлээн авсан юм. Тэд хожсон тохиолдолд дэлхийн аваргын эрхээ авах байсан. Тоглолтын эхнээс талбайн эзэд илүү тоглолт үзүүлж Рахым Стерлинг, Жордан Хендерсон нар аюултай довтолгоо хийж байсан ч нэгдүгээр үе хуурай тэнцээгээр өндөрлөсөн.
Шийдвэрлэх үед Словани нягт хамгаалсан тоглолт үзүүлж байсан юм. Харин энэ тоглолтод анх удаагаа ахлагчийн туузтай талбайд гарсан Харри Кейн нэмэлт цагийн 92 дох минутанд Кайл Уолкерын дамжуулалтаар хожлын гоол оруулсан.
Ийнхүү 1966 оны дэлхийн аварга Английн шигшээ баг есөн тоглолтоос долоон хожил, хоёр тэнцээ авч Дэлхйн аварга шалгаруулах тэмцээнд оролцох эрхээ авлаа. Энэ хэсгийн дэд байрт Шотланд 17 оноотой бичигдэж байна.