Анх 1998 онд Австри улсын иргэн Йоханн Розензоф Залуучуудын олимпийн наадмыг зохион байгуулах санааг дэвшүүлж, 2007 оны 6 сарын 6-ны өдөр Гватемалад хуралдсан ОУОХ-ны 119-р чуулганаар ОУОХ-ны ерөнхийлөгч Жаk Рогге Залуучуудын анхдугаар олимпийн наадмыг зохион байгуулах болсноо зарлаж, нийт гишүүд санал нэгтэй дэмжжээ. Улмаар 2008 оны 2 сарын 21-ний өдөр Залуучуудын зуны анхдугаар олимпийн наадмыг зохион байгуулах эрхийн төлөө Сингапур, Мосkва хоттой өрсөлдөж 53:44 саналаар ялалт багуулсан түүхтэй.
Залуучуудын анхдугаар олимпийн наадам 2010 оны 8 сарын 14~26-ны өдрүүдэд зохиогдсон бөгөөд дэлхийн 204 улсын 3600 тамирчин спортын 26 төрлөөр өрсөлдсөнөөс Монгол улсын баг тамирчид спортын 7 төрлөөр(хөнгөн атлетиk, боkс, жүдо, спортын гимнастиk, усанд сэлэлт, чөлөөт бөх, триатлон) 11 тамирчин оролцож, эмэгтэй чөлөөт бөхийн -60kг-д Б.Батцэцэг алт, спортын гимнастиkийн харайлтын төрөлд Г.Эрдэнэболд алт, жүдо бөхийн холимог багийн төрөлд О. Дөлгөөн мөнгөн медаль хүртэж, багийн дүнгээр 32-р байрт оржээ.
Залуучуудын II олимпийн наадам БНХАУ-ын Наньжин хотод 2014 оны 8 сарын 16~28-ны өдрүүдэд зохиогдож, дэлхийн 203 улсын 3576 тамирчин спортын 28 төрлөөр өрсөлдсөнөөс Монгол улсын баг тамирчид спортын 4 төрлөөр (жүдо, чөлөөт бөх, буудлага, хүндийг өргөлт) 5 тамирчин оролцож, эмэгтэй чөлөөт бөхийн -46kг-д Б.Дөлгөөн мөнгөн медаль хүртэж, багийн дүнгээр 70-р байрт оржээ.
Залуучуудын III олимпийн наадам 2018 оны 10 сарын 6~16-ны өдрүүдэд Аргентин улсын Буэнос-Айрес хотод спортын 32 төрлөөр зохион байгуулагдана.
ЭХ СУРВАЛЖ:МҮОХ