Гон Конгийн тамирчдын амжилт ахисан. Вонг болон Доогийн холимог хос 2015 оны Дэлхийн аваргаас хүрэл медаль хүртсэн. Вонг дэлхийд 7-д эрэмблэгдэх болсон бол Доо ч эхний арав луу орж ирсэн. -Гон Конг улс нээлттэй тэмцээн хийнэ гэдэг бол улсаа сурталчилна гэсэн үг. Дээр нь дэлхийн томчуудтай эх орондоо гар зөрүүлэх, туршлагаа зузаатгах, ур чадвараа нэмэгдүүлэх сайхан боломж нээгдэж байна гэж Гон Конгийн Ширээний Теннисний Холбоо үзэж буй аж. Тэмцээний товыг Олон Улсын Ширээний Теннисний Холбооноос баталсан байна. Ирэх оны 5-р сарын 24--27 өдөр гэж тогтжээ. Яг энэ тэмцээнээс долоо хоногийн дараа Хятадын нээлттэй тэмцээн, түүний дараа 6-р сард Фукуико хотод Японы нээлттэй тэмцээн болох юм байна. Энэ нь холоос ирж оролцох гадаадын тамирчдад ч цаг хугацаа, хөрөнгө хэмнэх, дээр нь цуврал тэмцээнд оролцох сайхан боломж олгож буй юм байна. Монголын теннисчид энэ тэмцээнд оролцохыг хичээх нь зүйтэй. Учир нь ОУШТХ-ноос зарласан Нээлттэй тэмцээнд оролцож, оноо цуглуулаагүй тохиолдолд Дэлхийн аваргад оролцох эрхийг нь хасах тухай шинэ журам ч гарсан байна.
Э. ОТГОНЖАРГАЛ