"Монголчууд балмад, зэрлэг. Архи дарс хэтрүүлэн уудаг, согтохоороо ухаанаа алддаг. Бие биенээ алж хядахаас ч буцдаггүй зан авиртай. "Ийм нэгэн мессеж Япон орон даяар түгжээ.
Монголоос төрсөн сумогийн анхны их аварга Дагвадорж япон иргэнийг зодож танхайрснаас болж ид оргил үе дээрээ сумогийн ертөнцөөс хөөгдсөн. Тэгвэл гурав дахь их аварга Харумофужи Бямбадорж ч түүний зам мөрөөр орсон. Энэ удаа Харумофужи, Даваажаргал нар залуу бөх Такайнайвог харгис хэрцгий зодсон хэрэгт орооцолдсон. Харумофужи хэргээ хүлээн, уучлалт гуйсан ч, түүнийг японы нийгэм өршөөхгүй гэдгээ нэгэнт илэрхийлсэн.
Тэгвэл энэ хэрэг дуусаагүй аж. Харумофужигийн араас Даваажаргалыг байцаах, шалгах явц үргэлжилж байна. Асуудал улам гүнзгийрсэн байна. Аваргууд залуу сайн бөхчүүдийг "хашраах" үйл ажиллагаа явуулдаг байсан нь ил тод болсон байна. Такайнойво өмнөх башёд их аварга Даваажаргалыг өвдөг сөхрүүлсэн нь ийнхүү шийтгэл амсах шалтаг болсныг Японы цагдаагийн байгууллага олж тогтоосон тухай хэвлэлд бичиж эхэлжээ. Энэхүү зодооныг "шордсон" гол баатар нь Даваажаргал болохыг ил далд ярьж, бичиж байна. Түүний шургасны дагуу их аварга Харумофужи тэсвэр алдан залуу бөхийг зодсон байна. Харумофужи ч хөөгдлөө. Нөгөө залуу бөх ч ихээхэн гэмтэл аван хохирлоо.
Харин Даваажаргал ард нь гэмгүй үлдэх учиргүй гэж японы нийгэм шуугиж байна. Тэд үүний учир начир, үнэн мөнийг олж тогтоохыг Сумо бөхийн холбооноос шаардаж байна. Мөн Таканайвогийн зодуулсан хэрэг явдал нь Ичиножогийн асуудлыг сөхөхөд хүргэжээ. Нэг хэсэг Сумогийн ертөнцийн дараагийн ёкузана гэгдэж байсан Ичиножо ч ихээхэн дарамталсан, зодсон, "сайн барилдсаны төлөө шийтгэсэн" ташуур амсуулсан байх магадлалтай. Үүнийг шалгах, сумод дарамт, дэглэм тогтоосон Монгол их аваргуудаас салах нь зөв гэсэн уур амьсгал ч дэгджээ.
Ц.ЭНХБАТ