Английн хөлбөмбөгийн ертөнцөд Пеп Гваридиологоос өмнө хөл тавьж, байр сууриа олсон байсан Моуриногийн байр суурь нэгэнт ганхжээ. Челси түүнийг явуулсан. МЮ өнгөрсөн жил эхний 4-т ч багтаж чадаагүй. Энэ жил түрүүлнэ гэсэн амлалт нь үлгэр болох дөхөж байна.
Хамгийн сүүлд Лэйстэрсити багтай 2:2-оор МЮ тэнцэх зуур Манчестер Сити 4:1-ээр Боурмоутыг хожиж 13 оноогоор бүр тасарсан. Пеп зөвхөн тоо хөөдөггүй, гоё үзүүштэй тоглолт үзүүлж, хөгжөөн дэмжигчдээ баярлууулна гэдэгтээ хүрч байна. Өнөөдөр Пеп бол бурхан юм гэж европын олон орны хэвлэлд бичиж байна. Тэр нэг ч хожигдолгүй, 2-хон тэнцэж, 17 дараалан хожиж, Английн Премьер Лигийн түүхэнд нэгэн дээд амжилт тогтоогоод байна.
2018 онд Английн аварга болох нь нэгэнт ойлгомжтой болж байна гэж шинжээчид нэгэн дуугаар дүгнэж байна. -Манчестер Сити баг 2018 онд Аваргуудын Лигэд түрүүлж мэдэх багийн нэг гэж Месси нэрлэлээ. -Манчестер Сити багийг харахад яг л Барселонаг санагдуулах болов. Тоглогч нь ч , тоглолт нь ч гэж Шави Алонсо Испанийн хэвлэлд ярилцлага өгөхдөө мөн онцоллоо. Энэ бүхний ард ганцхан хүний тухай ярьж байна. Тэр бол дэлхийн хамгийн өндөр үнэтэй, аугаа их дасгалжуулагч Пеп Гвардиолла юм.
Э.ОТГОО