31-р сургуулийн Шинэ Эргэлт ширээний теннисний клубийн санаачлагаар Монголын Ширээний Теннисний Холбоотой хамтран зохион байгуулж буй ширээний теннисний Хөгжлийн Лигийн IV тэмцээн амжилттай зохион байгуулагдаж байна. Тэмцээнд нийт 18 багийн 90 тамирчидтайгаар сар гаруй хугацаанд өрсөлдөж финалын шатанд 4 баг шалгараад байна.
1 сарын 7-нд Оч клубт явагдсан тоглолтод “Актив Зууч” баг өрсөлдөгч болох “Тэнгис Синема” багийг 2:0 (3:0, 3:2) харьцаатайгаар буулган авсан бол тэмцээний ерөнхий ивээн тэтгэгч “Money Polo” ББСБ-н “Money Polo” баг Хасбанкны “Банкир” багийг 2:1 (3:1, 2:3, 3:0) харьцаатайгаар хожиж аваргын төлөө тоглолтод шалгарч үлдлээ.
Тэмцээний аваргын төлөө болон хүрэл медалийн төлөө тоглолтууд 2018 оны нэгдүгээр сарын 12-нд 16:00 цагаас ширээний теннисний Оч клубт явагдана.
Эх сурвалж : Sportlife.mn
