7:6, 7:5, 7:6.
Энэ тоог харахад тэмцээн хэр өрсөлдөөнтэй өрнөсөн нь ойлгомжтой. 3:0 харьцаагаар Өмнөд Солонгосын Н.Чунг алдарт Жойковичийг буулгаж Австралийн опен-2018 гранд сламын шилдэг наймд анх удаа шалгарлаа.
-Федерер, Надал, Жойкович нар бол миний бурхад. Эд нар бол миний үлгэр дуурайл. Жойковичтой талбай дээр тоглож үзнэ гэдэг бол үлгэр. Би дахиад ч тоглох юмсан гэж хүсэж байна. Газрын теннисний шар бөмбөг Солонгос улсад минь ирлээ. Миний мөрөөдөл биеллээ гэж 21 настай Н.Чунг тэмцээний төгсгөлд хэлэв.
Жойковичийн хувьд тохойндоо бэртэл авснаас хойш 6 сар завсарласны эцэст талбайдаа эргэн ирсэн нь энэ. -Чунг маш хурдтай, зүүн баруунаасаа хүчтэй, урт цохилтыг хийдэг, дээр нь маш уян налархай, ялангуяа хөл сайтай нь ажиглагдлаа гэж залуу тамирчныг Жойкович үнэллээ.
Чунг өмнөх раундад чансаагаараа 4-т эрэмблэгдэх Оросын Зверевийг 3:2 харьцаагаар буулгаж авсан. Ийнхүү өмнөд Солонгосын теннисчин Н.Чунг Австралийн опен-д ээлжит шуугиан тарилаа.