Өвлийн солилцоо наймааны цонх нээгдээд буй энэ өдрүүдэд багууд өөр өөрсдийн бүрэлдэхүүнээ зузаатгасаар байна. Гол довтлогч Алексис Санчесийг Манчестер Юнайтед руу зараад буй Арсенал Бориусса Дортмундын Аубемянгийг 60 сая фаундаар элсүүллээ.
Дортмундын удирдлагууд Габон довтлогчийн төлөө хангалттай мөнгө амласан багтай хэлэлцээрийн ширээний ард суухад бэлэн гэдгээ мэдэгдээд байгаа юм. Аубемянг нэгдүгээр сарын 14-нд явагдсан Дортмунд болон Уолфсбург багуудын тоглолтод оролцоогүй нь багаас явах магадлалыг нэмэгдүүлж байгаа юм.
Тэрээр Дортмундын төлөө энэ улиралд 24 тоглолтод оролцож 21 гоол оруулаад байна. Аубемянг Английн премьер лигид хүч үзэх анхны Габон тамирчин болоход ойрхон байна.