Английн премьер лигийн 25 дугаар тойргийн сүүлийн тоглолтууд өнгөрсөн шөнө явагдаж өндөрлөлөө.
Энэ өдөр лигийн дэд байрт бичигдэж буй Манчестер Юнайтед, Тоттенхэмийн “Уэмбли” цэнгэлдэхэд зочилж 2:0-ээр ялагдлаа. Тоглолт эхлээд 11 секунд өнгөрч байхад Дани хагас хамгаалагч Кристиан Эриксон гоолдож Тоттенхэмд тэргүүлэл авчирсан бол 28 дахь минутанд Фил Жонес өөрийнхөө хаалганд гоол оруулж багаа хөөдсөн. Тоглолтын эхний хагасд хоёр гоол оруулсан Тоттенхэм найдвартай хамгаалж гоол алдсангүй. Ийнхүү Лондоны Тоттенхэм 48 дахь оноогоо авч хүснэгтийн тавдугаарт бичигдэж байна.
Мөн Челси талбайдаа Боурнмутыг хүлээн авч 3:0-ээр бут ниргүүлсэн нь энэ тойргийн гол дуулиан байв. Интоорнуудаас Калум Уилсон, Жуниор Станислас, Натан Аке нар гоол оруулжээ.
Сток сити 0:0 Уатфорд
Эвертон 2:1 Лестр сити
Нью Касл 1:1 Бөрнли
Саутхэмптон 1:1 Брайтон хов албион
Манчестер сити 3:0 Уэст бром