БНСУ-ын Пёнчан хотод өвлийн XXII наадам эхлэхэд гурав хоног үлдсэн байна. Энэхүү олимпод манай улсаас эх орноо төлөөлөн оролцох Монголын цаначин Б.Ачбадрах, Ч.Отгонцэцэг нар өнөөдөр олимп болох Пёнчан хотыг дасгалжуулагчдын хамт зорьлоо. Манай тамирчдын хувьд тус хотын “Альпесиа” гүйлтийн цанын төвд Македон улсын баг тамирчидтай бэлтгэл сургуулилт, цанын тослогоо, хувцас солих өрөөг хамтран ашиглах юм байна. Б.Ачбадрахын хувьд энэ сарын 15-нд уралдах бол Ч.Отгонцэцэг энэ сарын 16 -нд олимпийн гүйлтийн цанын цасан замд гарах хуваарьтай байгаа юм байна.
Н.ОДГИЙВ
