Билгийн тооллын XVII жарны “Тийн унжлагат” хэмээх шороон нохой жилийн Цагаан сарын баярт зориулсан үндэсний бөхийн цуврал барилдаан “Бөхийн өргөө”-нд аймаг, цэргийн цолтой залуу бөхчүүдийн барилдаанаар өчигдөр эхэлсэн билээ.
Өнөөдөр буюу 12-ны өдөр сумын цолтой болон залуу бөхчүүд барилдаж байна.
Харин хоёрдугаар 13, 14-нд аймаг, цэргийн начин цолтой бөхийн барилдаан, өсвөр болон нийтийн монгол шандастны ээлжит барилдаан болохоор товложээ.
Ийнхүү сар шинийн баярт зориулсан улс, аймгийн алдар цолтой 256 бөхийн барилдаан хоёрдугаар сарын 15-ны 12 цагаас болно. Уг барилдаанд зодоглох бөхчүүдийг хоёрдугаар сарын 14, 15-ны өдрүүдэд Бөхийн өргөөнд бүртгэх аж.
М.ЦАЦРАЛ
