“Пёнчан 2018” өвлийн олимпийн наадмын эрэгтэйчүүдийн сноубоардын халфпайп төрлийн тэмцээн болж өндөрлөлөө.
Халфпайпын төрөлд АНУ-ын тамирчин Шон Уайт 97.75 оноогоор алтан медаль хүртлээ. Тэрээр дөрвөн олмпод орж гурваас нь алтан медаль зүүж байгаа юм. Энэ АНУ-ын хувьд өвлийн олимпоос авч буй 100 дахь алтан медаль юм.
Мөнгөн медалийг Японы тамирчин Аяуми Ирано хоёр дахь оролдлогоороо 95.25 оноо авч зүүжээ. Тэрээр Сочигийн олимпоос мөнгөн медаль хүртсэн амжилтаа бататгаж буй нь энэ юм.
Харин хүрэл медалийг Австралийн тамирчин Скотти Жемс 92 оноогоор хүртжээ. Жемс 2015, 2017 онуудад дэлхийн аварга шалгаруулах тэмцээнүүдэд түрүүлж алтан медаль зүүж байсан билээ.
Д.НЯМАА