Европийн хөлбөмбөгийн холбооны аваргуудын лигийн хасагдах шатны эхний тоглолтууд өнгөрсөн шөнө боллоо.
Аваргуудын лигийн таван удаагийн аварга Ливерпүүл клуб Португийн талбайд зочилж 5:0-ээр бут ниргэж дараагийн шатанд шалгарах болзлоо хангав.
Энэ тоглолтод Сенегалийн “хар алт” Сайдо Мане хетрик хийж багаа хожилд хөтөлсөн байна. Улаануудаас Роберто Фирмино болон Мухамед Сала нар тус бүр нэг гоол оруулж нэмэрлэжээ. Талбайдаа 5:0-ээр ялагдсан Порту хоёр долоо хоногийн дараа Ливерпүүлийн Анфилд рөүд цэнгэлдэхэд зочилж зургаан гоолын давуутай хожиж байж дараагийн шатанд шалгарах хүнд даалгавартай туллаа.
Ийнхүүү Ливерпүүл есөн жилийн дараа аваргуудын лигийн хасагдах шатанд шалгарч өрсөлдөгчөө 5:0-ээр буулгаж авлаа.
Д.НЯМАА
