Италийн “Сери А” лигийн 25 дугаар тойргийн сүүлийн тоглолт өнгөрсөн шөнө боллоо.
Сүүлийн гурван тойрогт дараалж хожигдоод байсан Лацио “Стадио Олимпика” цэнгэлдэхдээ Эллас Верона клубийг хүлээн авч 2:0-ээр ялалт байгууллаа.
Тоглолтын эхнээс талбайн эзэд илүү тоглолт үзүүлж байсан ч Савич, Лулич нар гоол оруулах боломжоо ашиглаж чадаагүй. Улмаар эхний үе 0:0-ээр өндөрлөсөн. Харин тоглолтын шийдвэрлэх хоёрдугаар үеийн эхэнд 55 дахь минутанд авьяаслаг Итали довтлогч Имобиле Луйс Албертогийн гоёмсог дамжуулалтаар гоолдож багтаа тэргүүлэл авчирчээ. Мөн 60 дахь минутанд Имобиле хоёр дахь гоолоо оруулжээ. Тэрээр “Сери А” лигийн мэргэн буучдын жагсаалтыг 22 гоолтойгоор тэргүүлж байгаа юм.
Лацио 49 оноотойгоор лигийн дөрөвдүгээр байрт бичигдэж байгаа бол Эллас Вероно 16 оноотойгоор 19 дүгээр бичигдэж байна.