Энэ сарын 1-нээс 2-ны өдрүүдэд Кыргызстаны нийслэл Бишкекийн “Kozhomkul Sports Palace”-д чөлөөт бөхийн эмэгтэйчүүдийн 21 дэх удаагийн насанд хүрэгчдийн Азийн АШТ болж өндөрлөсөн. Өнгөрсөн амралтын өдрүүдэд эрэгтэйчүүдийн 31 дэх удаагийн тэмцээн амжилттай зохион байгуулагдсан.
Монголын эрэгтэй бөхчүүд багаараа оролцож, хоёр мөнгө, хоёр хүрэл медаль хүртэж, хоёр бөх шагналт тавдугаар байрт орсон амжилттай өндөрлүүллээ.
Тэмцээний 74 кг-ын жинд Монгол Улсын гавьяат тамирчин Ганзоригийн Мандахнаран, 86 кг-ын жинд ОУХМ Оргодолын Үйтүмэн мөнгө, 79 кг-ын жинд Спортын мастер Ганболдын Төрболд, 125 кг-ын жинд ОУХМ Нацагсүрэнгийн Золбоо хүрэл медаль тус тус хүртэв. Тэднээс Н.Золбоо тав, Г.Мандахнаран дөрөв, О.Үйтүмэн гурав, Г.Төрболд анхны медалиа зүүсэн байна.
Н.ОДГИЙВ
