Английн премьер лигийн 29 дүгээр тойргийн тоглолтууд өнгөрсөн амралтын өдрүүдэд явагдлаа. Лигийг тэргүүлэгч Манчестер сити талбайдаа Челсиг хүлээн авч Бразил хагас хамгаалагч Бернардо Силвагийн 46 дахь минутанд оруулсан гоолоор буулгаж авчээ. Тоглолтын турш талбайн эзэд илүү тоглолт үзүүлж 13 удаа хаалга руу цохиж гурав нь хаалгаа оножээ. Челси ердөө гурван удаа хаалганд довтолсон юм. Ийнхүү Манчестер сити 78 дахь оноогоо авч лигийг тэргүүлсэн хэвээр үлдэв.
Энэ тойрогт Ливерпүүл талбайдаа Ньюкаслийг хүлээн авч Мухамед Сала, Сайдо Мане нарын гоолоор ялж 60 дахь оноогоо халаасалж дэд байрт бичигдэж эхэлжээ.
Лигийн шилдгүүдийн нэг Арсенал энэ тойрогт Брайтон хөв Албионтой тоглож 2:1-ээр ялагдаж тойргийн гол дуулианыг тарьсан юм.
Бусад тоглолтуудын үр дүн :
Лестер сити 1:1 Боурнмут
Суонст сити 4:1 Уэстхем
Саутхемптон 0:0 Сток сити
Уатфорд 1:1 Уэстбром
Тоттенхем 2:0 Хадерсфиэлд таун
О.ДАШНЯМ