БНСУ-ын Пёнчан хотод болж буй өвлийн XII паралимпийн наадамд Монголын тамирчин Б.Ганболд уралдлаа.
Манай тамирчин өнөөдөр гүйлтийн цанын LW 6 ангилалд 20 км зайд уралдаж, 16-дугаар байрт орлоо. Энэ зайд нийт 18 тамирчин гараанаас гарснаас Украины тамирчин И.Рептюк 46:44.6 цагийн амжилтаар алтан медаль, Францын В.Давет мөнгө, Норвегийн Хакон Олсруд хүрэл медалийг хүртлээ.
Б.Ганболд 58:27.4 цагийн амжилтыг үзүүлсэн бөгөөд тэргүүлэгчээс 11:13.3 минутын алдагдалтай барианд оржээ.
Тэрбээр хоёр дахь олимпийн наадамдаа оролцож буй нь энэ бөгөөд дөрвөн жилийн өмнө 20 тамирчнаас 14-р байр эзэлж байсан юм.
Б.Ганболд энэ удаагийн олимпийн наадамд гурван зайд уралдах бөгөөд гуравдугаар сарын 14, 17-ны өдрүүдэд өрсөлдөх хуваарьтай байна.
Д.НЯМАА
